طبعا بعد المؤتمر ما خلص ناس كتير محتارة و مش عارفة تغيير ولا لا
ببساطة كده
🖐🏻لو انت معاك ايفون من سلسلة 12 ( 12 , 12mini , 12pro , 12pro max )
فالتغيير مش هيحسسك بفرق كبير ولا حتي في الشكل ( ماعدا النوتش و الكاميرا في 13 )
التغيير هيكون في الاتي :
١- ان المعالج اعلي ( مش كل الناس هتقدر تستفاد منها او محتاجاها في العموم )
٢- الفرق مش كبير اوي في البطارية
٣- الكاميرا خاصة في فئه ال 13pro , 13pro max ( بردو مش كل الناس هتستفاد منها لو مهتم بالتصوير جدا جدا جدا يبقا غير )
٤ - فرق الشاشة هيبقا ملحوظة الي حد ما ( لكن بردو مش بنسبة كبيرة اوي لدرجة انك تغير مخصوص عشانها )
بس كده 😅 مفيش اي فروق عظيمة تخليك تغير من الفئة اللي فوق للجديد
🖐🏻نيجي بقا للسلسلة الاقل 11 ( 11 11pro, ,11pro max )
نفس الكلام اللي فوق ينطبق عليها { ماعدا البطارية لان طبعا هيحس بفرق و هيبقا اعلي }
⭕️لكن في المجمل لو حبيت تغير و فرق السعر عالي شوية و قدامك جهاز من فئه ال 12 ف توكل علي الله هتحس بفرق
🖐🏻السلسلة الاخيرة بقا دي تضم كل الاجهزة من تحت ال 11 لحد ال 4s 😁
التغيير في حالة اذا كان معاك جهاز منهم غيير علي طول للاجهزة الجديدة ( مادام قررت تجدد يبقا متجبش اقل من السلسة الجديدة )
⭕️في حالة لو بتحب الحجم الصغير يبقا 13min و يكون ملكش في التصوير بشكل كبير
⭕️في حالة ان بتحب البطارية اكتر من الكاميرا 😂 يبقا 13 و ده لان الشاشة بتاعته بتخلي البطارية تقعد اطول
⭕️انما لو هتغير عشان الكاميرا و البطارية و المعالج و انك بتستخدم الجهاز في حاجات كتير جدا ( زي الشغل مثلا ) ف توكل علي الله في جهاز من الفئتين 13pro او 13pro max
و ده لان الفرق بينهم مش كبير ( الحجم و البطارية بنسبه بسيطة )
