القائمة الرئيسية

الصفحات

اخر الاخبار [LastPost]

ايفون 13 | جميع التسريبات الموثوقة للايفون الجديد

 كل هذي التسريبات من مصادرنا الاكثر دقة ونجاح على مر السنين. يعني مش من اي مصدر!

بس كالعادة قبل لا ندخل فالتفاصيل، حطولنا لايك علشان ينتشر الفيديو واذا كنتوا جدد ادعمونا بالاشتراك فالقناة، عندنا هدف نوصل لمليون مشترك قبل نهاية السنه واريد اهزم الموقع هذا اللي يقولي ما راح اوصل الا شهر ٢. ادريبكم مابتقصروا معانا المشكلة انه هذا التردد راح يستهلك طاقة كبيرة فمن المتوقع يكون في زر تعطله علشان توفر طاقة اكبر للايفون

للعلم هذا لتردد راح يكون متغيير، يعني راح يوازن في استهلاك الطاقة/ بس يضل يستهلك طاقة دامك مفعلنه للاسف مافي اي مصدر موثوق اكد البصمة تحت الشاشة للاسف. في ضل لبس الكمام بصمة الوجه فيها معاناه شوي ——————————————————————————— البطارية الكل متفق انه افضل بطارية لحد الان في الايفونات هي بطارية ايفونات ١١ وما ادري سوا ذا القرار الغبي من ابل اللي خلاهم يقللوا من حجم البطاريات فالايفونات ١٢ كلها بس الظاهر وبسبب فشل ايفون ١٢ ميني بسبب البطارية خلاص تم التأكيد راح يرجعوا بطارية الايفونات ١١ في الايفونات ١٣ القادم هذي احجام البطاريات، كل الايفونات القادمة راح يكبر حجم البطارية من ١٢ الي ١٧٪ وهذا اكيد راح يحسن في بطارية الايفوناات ويعطي ساعه االي ساعتين اضافيات فالاستخدام الثقيل بسسسسسسسس في شيئ فالموضوع. الشاشة من سامسونج وبهاذا التردد الجديد في اجهزة البرو شفنا في تجارب اجهزة الفلاق تشيب انه البطارية تنقص اكثر بكثير مع تفعيل تردد الشاشة فاحتمال كبير اذا كنت تستخدم ايفون ١٣ برو او برو ماكس، مع التردد العالي ما راح تلاحظ تحسن كبير فالبطارية. بس اصحاب ال١٣ العادي والميني راح يلاحظوا بالتغيير لانها اصلا هذي التقنية ماراح تجي فيهم للاسف من ناحية النظام ايفون ١٥ والمعالج ما راح يكون في تغييرات كبيرة لتحسين البطارية. —————————————————————————— المنفذ الشحن ابل كانت متوقع منها تنزل هاتف بلا نوافذ هذي السنه. بس اجلت المشروع للسنة القادمة بسبب انه التكنولوجيا مش ناضجة بعدها على كلام اشهر المحللين في ابل. منفذ الايفون ماراح يتغير ولا يتحول لمنفذ يو اس بي تايب سي للاسف. ولا في تحسين في سرعة الشحن راح تضل ٢٠ واط. للعلم سرعة الشحن من الاشياء الصعبة تتسرب. هذي اجتهادات المسربين. راح تضل تقنية الماقسيف الجميلة ويمكن تتطور شوي استعدادا للهاتف بلا منافذ في ٢٠٢٢. ——————————————————————— التصوير هذي السنه راح تكون كبيرة لعشاق التصوير، العدسات كلهم راح يكبر حجمهم. هذا صار ترند عند الكل مثل ماشفنا في الهواتف الكبيره هذي السنه. هذا الشي راح يحسن في اضائه الصور بشكل كبير فالاماكن المغلقة والمظلمة. ابل بتركز في تحسين العدسه الواسعة جدا لانها حاليا ماتنفع الا فالاضاءة العالية والتصوير الفضائي راح يكون ميزة جديدة بشكل عام المصورين راح يستانسوا بالتحسينات للايفون القادم. ————————————————————— المعالج والرام، المعالج اكيد راح يكون ايه ١٥ واللي راح يضيف تحسينات طفيفة للمعالج الحالي. مافي شي خيالي، متوقع يكون اسرع من ١٠ الي ٢٠٪ بخصوص الرام مافي اي تسريب عن الاحجام، فماحد يدري شو تطبخ ابل. —————————————————————————— الذاكرة كانت في اشاعه تقول انه النسخ البرو راح تصل مساحتها حتى ١ تيرا بس اخر التأكيدات تقول كل الذاكرات لكل الايفونات راح تضل مث ايفون ١٢ وماراح تتغير بتاتا ——————————— الاسعار الاسعار متفق عليها انها تكون بنفس اسعار ايفوات ١٢ اول مانزلت. مافي اي تغيير. للعلم بسبب نقص المواد والطلب العالي عالتقنية بسبب الفايروس كان متوقع ارتفاع الاسعار في كثير من الشركات الغت مشاريع هواتف لهذا السبب. ————————————————————————— الاسم المعروف عالميا رقم ١٣ رقم مشؤوم وكثير من الناس فالعالم ماتحبة ففمعظم العالم حتى في طوابق الفنادق ماراح تحصلوا رقم ١٣ خاصه فالصين فسووا دراسه حديثا و٧٠٪ من الاشخاص فالدراسة كاحابين الاسم ١٣ يكون اسم الايفون القادم فالاسامي المحتملة تكون كالاتي ايفون ٢٠٢١ مثل ماسووت سامسونج ايفون ١٢ اس | المسربين متوقعين هذا الاسم ايفون | مثل الايبادات ايفون ١٣ | الاسم المشؤؤم والمستبعد ـ——————————————————————— موعد الاعلان والبيع الحمدلله هالسنه مش مثل السنه الماضية، مافي اي تأخير في صنع الايفونات على حسب جميع التسريبات فالمتوقع الاعلان عن الايفونات في منتصف سبتمبر وبدء البيع بعد اسبوع في الدول المتقدمة وعدة اسابيع اخرى راح يوصل الدول البقية اللي ابل موجودة فيها.

الرجوع للصفحة الرئيسية

reaction: