الصيف هيبدأ و الحر و الفرهدة هتبدأ معاه 🌡
معظم الأجهزة بتسخن في الصيف🔥 و لو سخن زيادة عن الطبيعي ممكن تظهرلك الرسالة دي و الموبيل يقفل منك
✅عشان كدة في شوية حاجات مهمه لازم نعملها و حاجات تانية يستحسن مانعملهاش
1 - قبل اي حاجة بلاش تسيب الموبيل او اي جهاز في الشمس فتره طويله او تنساه في العربية مثلا
2 - لما الموبيل يسخن اوي يُفضّل اننا نفتح من واي فاي مش من داتا ( لان الداتا بتخلي الجهاز يسخن و الشحن ينقص بسرعه ) 😥
3 - عادي جدا اننا نستخدم الجهاز اثناء الشحن ... لكن لو سخن زيادة عن الطبيعي🌡 ف الافضل نوقف استخدام و نسيبه يشحن مع نفسه
4 - اهم حاجة و اساس في قوة او ضعف البطارية هو اننا نشحن بشاحن و وصلة اصليين👌
5 - شاحن العربية و الباور بانك يكونوا للضرورة القصوى 😥
6 - يفضل في الحر دا اننا نشحن في مكان فيه تكييف و شيل الموبيل من الجراب و بلاش جرابات ضخمة او جراب يخليك تكفّن الموبيل😶 ( الاحسن جراب سيليكون طري خفيف و شكرا ع كدة )
7 - نحاول نقلل استخدام التطبيقات التقيلة اللي فيها جرافيك عالي( جيمز/ تطبيقات التصوير و الايديت )
لانها بتخلي الموبيل يسخن جدا و بردو هتلاقي الشحن بينقص اسرع
📌نعمل ايه لو ظهرت الرسالة دي 🤔😣
✅لازم نقفل الداتا و الواي فاي و نوقف اي استخدام عالموبيل خالص لحدما يبرد مع نفسه
✅في ناس ممكن تحطه في التلاجة ( و دي مش نصيحة مننا انك تعمل كدة) لكن بلاش الفريزر
و كدة كدة لو سيبنا الموبيل مع نفسه منغير استخدام و منغير جراب هتلاقيه بدأ يبرد منغير اي مشكلة
***************************
لو مهتم ب فديوهات الشرح القصيره علي التيك توك ف دا لينك البروفايل 😎👇🏼
https://www.tiktok.com/@nabil.h.g
✅ و دا لينك القناه ؏ اليوتيوب 👇🏼
https://www.youtube.com/channel/UCmLnxamZGYQAIDdT90bua9w
✅ و طبعا لازم تعمل جوين ل جروب الاستفسارات و دا اللينك 😁👇🏼
