مميزات تجهلها عن ساعة ابل وايه يخليك تشتريها
- اولا الساعة دي بقت مهمة جدا في جميع نواحي الحياة اليومية وهي مش مجرد ساعة رقمية في الايد وخلاص .
- ثانيا في ناس كتير اشتريتها ولحد دلوقتي في حاجات كتير هي مش عرفاها فيها .
- وفي ناس شايفة ان الساعة ما هي الا منظرة علي الفاضي .
طيب تعالي بقي اقولك الساعة بتعمل ايه وتستفاد منها ازاي 
مبدايا ساعة ابل لو هنتكلم علي الحاجات الاولية الظاهرة قدامك هي انها بتستقبل اي اشعارات بتيجي علي الموبايل يعني لو حضرتك ايدك مش فاضية او سايق او بتعمل اي حاجة والموبايل بعيد عنك هتقدر تشوف ايه الرسائل اللي جاتلك علي الموبايل من غير ما ترجع تشوفها
- الساعة تقدر ترد منها علي المكالمات او الرسائل بدلا من استخدام الموبايل لو هو علي الشاحن او في حيز المكان اللي انت فيه بس انت مشغول مثلا ومش عارف تتحرك تجيبه .
- الساعة بتقدر تقيس نسبه الحرق اليومي بتاعك وعدد الخطوات اللي بتمشيها وكل حاجة متعلقة بميكانزم الحركة بتاعك اليومي وبتديك تقرير شامل عنه .
- الساعة في بعض الدول فيها خدمة انك لقدر الله حصلك اي حادثة او حركة علي غير المعتاد بتاعك بتتصل بالاسعاف والشرطة وبتبعتلهم مكانك بالـ GPS .
- لو مركب السماعة والتليفون بعيد بتقدر تسمع مزيكا او تغيرها عن طريق الساعة .
- الساعة بيتغير الباند او الاستيك بتاعها فا بتليق علي اي لبس بتلبسه .
- الساعة الجديدة فيها قياس نسبة الاكسجين في الدم وده في الظروف اللي العالم فيها دلوقتي قدرت تساعد ناس كتير اوي علي قياس نسبة الاكسجين والتاكد من عدم وجود كورونا عندهم .
- من اول الجيل الثالث الساعة فيها esim علشان لو نسيت موبايلك في البيت تقدر تعمل كل مكالماتك وكل حاجة انت عايزها منها لحد ما ترجع البيت بس الخدمة اشتغلت في دول معينة فقط .
- الساعة في بعد الدول فيها Corona alarm علشان لو دخلت منطقة فيها ناس مرضي كتير او جنبك حد مريض كورونا الساعة بتنبهك علشان تخلي بالك .
- الساعة في التحديث الجديد تقدر تفتح موبايلك وانت لابس الكمامة وتقفله عن طريق الساعة .
- الساعة بتقدر تعمل رسم قلب كامل وتبعته للدكتور الخاص بيك عن طريق الايميل علشان تتابع حالتك الصحية لو لقدر الله مريض قلب .
- الساعة فيها كشاف علشان لو انت في مكان مفهوش اي إضاءة ومش لاقي الموبايل او بتدور علي حاجة والموبايل مش في ايدك .
الساعة فعلا حاجة عظيمة بس في ناس كتير مش عارفه قيمتها والناس اللي بقالها فترة كبيرة بتستعملها مش بتعرف تغيرها وتلبس اي ساعة تانيه 