القائمة الرئيسية

الصفحات

اخر الاخبار [LastPost]

اليوم العالمي لثغرة تشيكرين

اليوم غادي نهضرو على جيلبريك "checkra1n" و الثغرة للي صدمات شركة ابل لي سميتها (checkm8) 




"الجيلبريك" يمكن ليه يكسر حماية النظام ديال اجهزة ابل (ايفون- ايباد- ايبود) 

ولكن شركة ابل عندها حل ألا وهو تخرج تحديث جديد ،،،

 لنفترض نتا عندك فالايفون الاصدار 14.5 والمطورين خرجوا "الجيلبريك" لهاد الاصدار ،  فاش ابل غادي تخرج تحديث جديد مثال "14.5.1" غادي يكونو حلو المشكل ، لأن  الثغرة هيا ثغرة فالنظام فقط ، والنظام راه يمكن تحديثه و اصلاح المشاكل ، هاد الثغرة للي كيلقاوها  المطورين كيتلقو عليها اسم (0Day)

_____


هاذي قبل عامين وقعات واحد الروينة فعالم "الجيلبريك" وكولشي مطلعها على شركة ابل علاش ؟ 

واحد الباحت امني ملقب بـ (axi0mX) لقا واحد الثغرة طلق عليها اسم (checkm8)  هاد الثغرة مكايناش فالنظام ،  كاينا فالمعالج 😂😂 الله الله يا ابل ،


 شنو معنى كاينا فالمعالج ؟ 

يعني هيا ثغرة فالهاردوير ماشي السوفتوير ،  نزيد نشرح باش تفهمو ،  الثغرة للي كتكون فالنظام يمكن لشركة ابل تعالجها لانها هيا كتحكم فالنظام ولكن اصديقي الثغرة فاش تكون فالمعالج لا ههه الى بغات ابل تحل المشكل خاص تجمع گاع الايفونات ديال العالم وتحلهوم وتبدل المعالج 😂😂 ايه اسيدي و الله الى بهاد المفهوم بالضبط ، 


نكملو فالثغرة ،  

_____

بما أنها ثغرة أمنية كاينة فجذر ديال النظام وكتسمح للمطورين الوصول العميق للنظام بالكامل ، لأن هاذ الثغرة كتستغل الشفرة الاولية لي كاتكون ف الإقلاع ديال الايفون (الاقلاع هيا فاش كتشعل الايفون كتم عملية الاقلاع BootRom) 

يعني  فاش كتشعل الهاتف هاذ الثغرة كتستغل الأمن والحماية ديال النظام قبل مايشعل ، 

________ 

شنو تقدر دير بهاد الثغرة !


 1- عمل جيلبريك : لي هوا أصلاً كاين سميتو (checkra1n) وحريرتو حريرة غادشي نرجعو ليها ههه..


 2- تخطي الايكلود : يعنى مع هاد الثغرة تقدر تخطى ايكلود للايفون بس 🖐 خاص الايفون دياك يكون ضمن الأيفونات للي فيهم هاد ثغرة )checkm8)  وغادي نكتب ليكم الهواتف للي فيها هاد الثغرة، 

__________

 

دبا نرجعو لجيلبريك checkra1n هاد الجيلبريك تم الاطلاق ديالو مورا ثغرة checkm8  بأشهر قليلة من نفس الباحت الامني معه شي 25 هاكرز اخرين الأباطرة فعالم الجيلبريك ، لأن هاد الجيلبريك كيخدم بديك الثغرة الامنية ..شنو الفرق بين هاد الجيلبريك "checkra1n" والجيلبريكات  الاخرين ؟؟؟  


باش تعرف الفرق غادي نعاودو نرجعو للموضوع ديال ثغرة فالنظام و ثغرة فالمعالج ،  

_____________

الجيلبرك للي شرحت فاللول كيعتمد على ثغرة فالنظام، يعني يمكن تدير جيليريك على حساب الاصدار لي عندك أنت كاين إصدارات كتدعم الجيلبريك وكاين اصدارات لا ، 

 لاكن هاد الجيلبريك (checkra1n) كيعتمد على المعالج يعني نوع الهاتف فقط و الإصدارات لا تهم حتى لو خرجات ابل اصدار ios 100 ، بمعنى انا الهاتف ديالك الى كان كيدعم ثغرة checkm8 يعني تقدر تدير ليه جيلبريك checkra1n ، وهنا الى سمحتو ليا غادي نذكر الاجهزة للي داعمة لهاد الثغرة حيت عارف مني قريتو ديك تخطي الايكلود ونتوما كاتسناو تعرفو الاجهزة المدعومة هههه واخا اسدي ،

 الاجهزة المدعومة هيا للي كاتخدم بمعالجات A5 حتال A11 

____

‏* A5 - iPad 2, iPhone 4S, iPad Mini (1st generation)

-

‏* A5X - iPad (3rd generation)

-

‏* A6 - iPhone 5, iPhone 5C

-

‏* A6X - iPad (4th generation)

-

‏* A7 - iPhone 5S, iPad Air, iPad Mini 2, iPad Mini 3

-

‏* A8 - Phone 6, iPhone 6 Plus, iPad mini 4

-

‏* A8X - iPad Air 2

-

‏* A9 - iPhone 6S, iPhone 6S Plus, iPhone SE, iPad (2017) 5th Generation

-

‏* A9X - iPad Pro (12.9 in.) 1st generation, iPad Pro (9.7 in.)

-

‏* A10 - iPhone 7 and iPhone 7 Plus, iPad (2018, 6th generation), iPad (2019, 7th generation)

-

‏* A10X - iPad Pro 10.5" (2017), iPad Pro 12.9" 2nd Gen (2017)

-

‏* A11 - iPhone 8, iPhone 8 Plus, and iPhone X

___

هادو الاجهزة لي فيها ثغرة checkm8 بس  الجيلبرك حاليا كيدعم غي من ايفون 5S  حتال iPhone X

يعني جميع الايفونات للي خرجو مورا 5s  حال X,

بالنسبة للموضوع تخطي الأيكلود غادي نطرقوله مستقبلاً إن شاء الله

الرجوع للصفحة الرئيسية

reaction: