حجمها صغير جدا تقريبا نفس حجم غطاء زجاجة المياة المعدنية ، ونحيفه جدا .
البطارية بتاعتها بتشتغل اكتر من سنه لانها بتستخدم تقنية موجودة من اول iPhone 11 وهتبقي متوفرة حتي في iPhone 13 القادم ودي اسمها U1 chip بتتوصل مع تليفونك ومش بتستخدم طاقة الا قليلة جدا جدا اسمها LE ( Low energy) وبتاخذ كل بياناتها من عندك ( البيانات - الموقع - الدقة في الاتجاهات )
ومش من تليفونك انت بس
ركزوا بقي في الجزء ده كويس جدا ( لو فرضنا اني راكب مثلا مواصلات او مترو او نسيتها في مكان بعيد عني جدا هلاقيها ازاي ؟!)
- اي شخص معاه iPhone 11 او iPhone 12 بجميع موديلاتهم وكان قريب منها حتي لو مش شايفها الـ airtag هنستخدم خاصية الـ LE وتتوصل اوتوماتيك بالبلوتوث بتاعه وتعيد بيانات خفيفة جدا بالكيلو بايت يعني ملفات سريعة حتي لو كان وقف جنبها اقل من دقيقة ، بتحدد موقع تليفونك وبتحدد موقع نفسها عن طريق تليفون الشخص اللي كان جنبها وبتبعتلك موقعها بمنتهي الدقة وبكده تبقي انت حددت مكانها من غير GPS ولا اشتراك انترنت ولا اي وسيلة دفع تانيه
طب اعرف مكانها منين ؟ - عن طريق برنامج find my علي الايفون .
طب لو انا مشتريها ومش معايا ايفون اصلا اعرف منين مكانها ؟ - بتدخل علي موقع iCloud وتعرض الاجهزة الخاصة بالحساب بتاعك وتعرف مكانها فين من الموقع .
طب هي متصنعه من ايه يعني ممكن تتكسر او تبوظ ؟ - القطعة دي محفورة بالليزر ومصنوعة من الاستنلستيل يعني لو وقعت في مياة حتي مش هتصدي .
طب لو هي في الشقة اعرف هي فين بسرعة ؟ - ايوه علشان فيها speaker تقدر تدخل علي find my وتعمل play sound هتعمل صوت وتعرف مكانها بسرعه .
طب اول مره اوصلها ازاي ؟ - الـ airtag فيها خاصية NFC يعني لما تشتريها هتلزقها في ضهر تليفونك وسيب الباقي عليها هي هتنقل البيانات وتظبط نفسها علي حسابك وكل بياناتك .
طب هي لو جه عليها مياة تبوظ ؟ - لا لانها مقاومة للمياة .
طب اقدر اطلبها من امتي ؟ - هتبقي متوفره في فرع ابل من نص شهر ٥