القائمة الرئيسية

الصفحات

اخر الاخبار [LastPost]

نصائح هامة وانت بتشتري ايفون مستعمل

ازاي تشتري أيفون مستعمل 😮📱🤔...؟؟

التمهيد :- 🙃 
١- ما تستعجلش اهدي وخد نفسك وراحتك خالص ✋🏼😒
٢- ما تطلعش جنيه من جيبك الا لما تعمل الحجات دي 👇🏼😁
٤- لو محل اشطه لو شخص تقابله في مكان عام 👬
٥- متشتريش جهاز من شركات الاستراد دي خالص
٦- تاخد الراجل وتقعد في مكان في واي فاي محترم 
----------------------------------------
الموضوع :- 🙃
أ# ICLOUD ......مهم جدا جدا 🚧
١- اول حاجه تمسك الموبيل علطول تفتحه تدخل علي 
Setting <  هتلاقي بروفيل فوق  لازم يكون فاضي مفهوش اكونت 

٢- تاخد رقم imei  وتحطه في الموقع ده (http://iunlocker.net/check_imei.php) 
تتأكد من اللون والمساحه 
والاي كلاود 
Find my iphone < off مفهوش اي كلاود وتطمن 
Find my iphone < on يبقي عليه اي كلاود 

ملحوظه🚦✋🏼✋🏼 :- 
ولو في اكونت قوله شيله قبل اي حاجه  مش عارف تخلع علطول 🏃🏽

#التأكد من رقم imei ......
*هتلاقي في ضهر العلبه من تحت رقم اسمه imei مكون من ١٥ رقم 
 وهتلاقي في ضهر الايفون تحت كلمه iphone  رقم اسمه imei 
❌ بالنسبه ل 6s / plus  ولحد iphone 11 pro max هتلاقي رقم imei  في درج الشريحه 

وهتلاقي جوه الايفون في 📲
اعدادات < عام < حول < انزل تحت < imei 
Setting < general < about < scroll down < imei
وهتطلب *#60# من اليمين للشمال هيطلعلك رقم imei 
#هااااااام ✋🏼 لازم الارقام دي تبقي زي بعض👍🏼  لو في ارقام مختلفه يبقي الايفون مغير هاوسنج 😳❌ او العلبه مش بتاعته 😳❌ 

ب# الهيكل 📲......
١- تبص علي هيكل الجهاز كويس ما يكونش في خبطات او خرابيش  وده حسب اختيارك 😒✋🏼 وتشوف مسامير 🔩  الجهاز كويس تكون في مستوي واحد ومفهاش اثر مفكات 🔧 تبص علي اطراف الشاشه كويس ودوس علي الاطراف لو لقيت في تكات او بتتحرك اعرف انها مش تمام ❌

ج# الشاشه والتاتش 📲......
* تفتح الجهاز وتشوف الشاشه كويسه وألوانها تمام مفهاش خطوط او بترعش او حجات غريب 👍🏼 وتشوف التاتش في الشاشه كلها  تحرك ايقونه في الشاشه كلها وتشوف شغاله تمام مفيش تعليق او بتشتغل لوحدها 👍🏼
وتخلي بالك من deadpixel  وهي نقط بتظهر في الشاشه  وتبص علي الاضاءه كويس
وتجيب اي خلفيه بيضه وسوده خالص وتركز فيهم 

د#السماعات والمايك 🎙🎧..........
*تبدأ تفتح الموسيقي شغل اي حاجه من النت 
ورن علي الجهاز و شوف الصوت تمام وواضح 👍🏼 ما يكونش في نغوشه او زنه 👍🏼
*وتشوف الفايبريشن ( الاهتزاز) شغال ولا
* و تفتح المكالمات تجرب صوت السماعه الداخليه تمام والصوت واضح وعالي 👍🏼 افتح الاسبيكر ويكون عالي وواضح 👍🏼
* المايك تجرب في المكالمه تشوف الطرف تاني سامعك بوضوح ولا لا وتفتح الاسبيكر وتتكلم وتشوف 
 • السينسور بتاع المكالمات  لما تحط الموبيل علي ودنك لازم الشاشه تطفي  وكده شغال تمام 

#الكاميرا والبطاريه ......📸🔋
١- الكاميرا :- 📸
تفتح الكاميرا وتشوف الاماميه والخلفيه يكونو واضحين وتمام 👍🏼 وجرب تصور بالفلاش ويكون شغال 👍🏼
* الفيديو جرب تسجل فيديو بفلاش بردو ويكون تمام 👍🏼 
*تتكلم في الفيديو الامامي والخلفي وتشوف الضوت واضح ولا لا 

٢- البطاريه :-🔋
*تشوف البطاريه كام في الميه 🤔 وتشغل فيديو بفلاش ١٠ دقايق وتشوف البطاريه نقصت قد ايه ..!! لو نقصت بسرعه تبقي مش تمام 

هـ#الاتصالات والارسال.......📡📞
تشغل الواي فاي والبلوتوث  وتتأكد انهم تمام 👍🏼
تجرب خطين مختلفين في الموبيل وتشوف الشبكه في الايفون شغاله 📶 وتجرب 3G.....كله شغال يبقي تمام 👍🏼

#لازم تجرب البوصله ودوران الشاشه  كويس جدا  لو حاجه مش شغاله يبقي في عطل في البورده 

ي# وخيرا...البصمه....📱 تجرب البصمه طبعا وتكون شغاله معاك بدون مشاكل 👍🏼 وبكده تقدر تشتري ايفون من اي مكان وانت مطمن خالص ومحدش يعرف يضحك عليك ✋🏼💃🏼💃🏼
-----------------------------------------
#استني بس ما تمشيش 🚫

•(مهم جدا ) ⚠️ 
اخر حاجه بقي بعد ما تخلص لازم تعمل دي 
Setting < general < reset < Erase all content and settings 
تستني  لحد ما الجهاز يفتح وتأكتفه 

 • خلصت بقي 😂 تدفع فلوسك ومبروك عليك 😂💃🏼



الرجوع للصفحة الرئيسية

reaction: